Yhteisvaltuusto Pajalan kunnan kans

09.11.2023

Kuvassa Kolarin kunnanvaltuuston puheenjohtaja Jarmo Kylmämaa ja Pajalan Birgitta Rantatalo.

 

Yhteisvaltuusto Pajalan kans

 

Tiistaina 7.11. Kolarin ja Pajalan kuntien yhteinen kunnanvaltuusto kokkoontu Folkets Husissa Pajalassa.

Yli kymmenen vuen ajan Kolarin ja Pajalan kunta on pitähneet yhteisiä kunnanvaltuuston kokkouksia. Tiistaina oli ensimmäinen kerta pandemian jälkheen ko kunnanvaltuustojen yhteinen kokkous pystythiin pitähmään. Viimeksi kokkoonnuthiin Lappeassa vuona 2019.

Poliitikot ja virkamiehet tapasit Folket Husissa Pajalassa, jossa kerrothiin vuoron perhään kuntien kuulumiset ja keskustelthiin yhteisistä asioista.

Paljon puhuthiin aikasemminki jo esilä olheesta junaratahankheesta, joka on jääny kesken. Uuelheen esile tulhoon tietekki vaikuttaa seki, että nähthiin pitkästä aikaa ja, että suomessa päästhään nyt uuen hallitusohjelman myötä sähköstämhään rattaa Kolahriin asti. Olisko aika alkaa uuesti touhuamhaan hanketta, jonka tavotheena junarata rajan yli?

Puhuthiin tietenki kans Pajalan lentokentästä, sen mahollisuuksista ottaa vasthaan isompia konheita ja Pajalan uimahallista sekä Kolarin tuulivoima- ja monitoimitalohankheet.

Kokkouksen lopuksi päätethiin, että ei sole ko alkaa uuesti rehvaahmaan joka vuosi ja vaikka kakski kertaa vuessa. Päätethiin kans, että eri hallintokunnat jatkasit viehmään etheenpäin yhteisiä asioita, joita tässä valtuustossa käsitelthiin.

Kokkouksen päätti yhteislaulu ”Laulu torniolaaksolle – Tornedalssången”, jota sai laulaa kummala kielelä huvitti. Yhteislaulua säesti mies ja kitara, Pajalan kunnanjohtaja Millgård Stefan.

Kokkouksen jälkheen päivä päätty opintomatkale Kaunis Ironhiin.

”Kauhean hauska olla täälä ja saaha puhua meänkieltä."

Valtuustot koola Pajalan Folkets Husissa.

Yhteiskyyiä vierailulle Kaunis Ironhiin.

Magneetilla todennethiin malmin magneettisuutta.